எத்தனை நாள் இந்திப்போர்?
==========
எத்தனை நாள் எத்தனை ஆண்(டு) எத்தனைப் போர் எத்தனைப் பேர்
எத்தனைத் தோள் இந்திக் கெழுவதோ?
எத்தனைப்பேச் செத்தனைத்தாள்? எத்தனைப்பா டெத்தனைப் பாட்(டு)
எத்தனை தாம் எழுதிக் குவிப்பதோ?
எத்தனைநாள் நாம் பொறுப்ப(து)
எத்தனைப் பேர் நாமிறப்ப(து)
எத்தனைநாள் இந்தி எதிர்ப்பதோ?
ஒத்திணையும் எண்ணமிலை;
ஒன்றிரண்டு பார்த்துவிட
ஊர்ப்படைக்கு நாளொன் றுரைப்பமே!
======
பாவலரேறு பெருஞ்சித்திரனார்
-1967
No comments:
Post a Comment