சீனி கார்த்திகேயன் பக்கங்கள்

Sunday, 26 July 2026

காலனித்துவம் - மீண்ட கதை..

காலனித்துவம் பின்தங்கிய நிலையை முன்னேற்றுவதில்லை; அது திட்டமிட்டு அதனை உருவாக்கி, பின்னர் கட்டுப்பாட்டைத் தக்கவைத்துக் கொள்வதற்கான ஒரு சாக்காக அதைப் பயன்படுத்துகிறது - குவாமே நிக்ருமா.


நீங்கள் இதை 'காலனித்துவம்' என்று அழைக்கிறீர்கள்; ஆனால், பழங்குடி வாழ்விலும் அறியாமை இருளிலும் வாழ்ந்து கொண்டிருந்த மக்களுக்கு நாகரிகத்தைக் கொண்டு சேர்ப்பது என்று நான் இதை அழைக்கிறேன். - வின்ஸ்டன் சர்ச்சில்.
இவை இரு துருவங்களின் தலைவர்களது அறிக்கை. ஒரு அறிக்கை காலனி ஆதிக்கத்தால் பாதிக்கப்பட்டு அதிலிருந்து விடுபடுதலை பெறுவதற்காக போராடியவருடைய அறிக்கை. 

இன்னொன்று பிற நாடுகளை காலனி ஆதிக்கத்திற்கு உட்படுத்தி சுரண்டி சூறையாடிச் சென்றதற்கு நியாயம் கற்பிக்கும் ஒரு அறிக்கை.

 உலகை காலனி ஆதிக்கத்திற்கு உட்படுத்திய பிரிட்டன், பிரான்ஸ், போர்ச்சுக்கல், பெல்ஜியம். உள்ளிட்ட நாடுகள் கலாச்சாரத்தை பரப்புவதற்காக எந்த நாட்டையும் போய் ஆக்கிரமிக்கவில்லை. அவர்கள் ஆதிக்கத்திற்கு உட்படுத்தியதெல்லாம் அந்த நாட்டில் உள்ள செல்வங்களை சூறையாடுவதற்கு மட்டுமே.

 ஆப்பிரிக்க கண்டத்தில் உள்ள எண்ணெய் வளம் தங்கம் உள்ளிட்ட கனிம வளம், இயற்கை வளம், ஆசிய கண்டத்தில் ஆம்மாதிரி கிடைக்கக்கூடிய கனிம வளம் இயற்கை வளம் ஆகியவற்றிற்காக தான் ஆதிக்கத்திற்கு உட்படுத்தினார்களே தவிர வளர்ச்சி அடைய செய்வதற்காக அல்ல.

 இவர்கள் வருவதற்கு 2000, 3000 ஆண்டுகளுக்கு முன்பே உலகில் பல நாடுகள், இவர்களை விட மேம்பட்ட கலை கலாச்சாரம் பொருளாதார வளம் ஆகியவற்றில் உச்ச நிலையில் இருந்தன.
இந்திய துணை கண்டத்திலே 3000 ஆண்டுகளுக்கு முன்னரே மேம்பட்ட நாகரீகம் இருந்ததை உலகறியும்.

 அச்சமகாலத்தில் 
 அமெரிக்க கண்டத்திலேயே மாயர்கள் தொழில்நுட்ப ரீதியாகவும் கலாச்சார ரீதியாகவும் மிகவும் மேம்பட்டவர்களாக இருந்தனர். ஆப்பிரிக்க கண்டத்திலேயே எகிப்தியர்கள் மிகப் பிரம்மாண்டமான வளர்ச்சி அடைந்த நிலையில் உள்ள நிலைமைகள் பிற பகுதிகள் இன்று அதே தான் தங்களுக்கு என்று ஒரு தனித்துவத்தை கொண்டு சுயாட்சியாக யாரையும் அதிகாரம் செய்யாமல் அமைதியாக வாழ்ந்து வந்த ஆப்பிரிக்கர்கள் உலகமெங்கும் பல்வேறு பகுதிகளிலும் அம்மாதிரி நிறைய உதாரணங்களை சொல்ல முடியும். 
ஆனால் அக்காலகட்டத்தில் மிகவும் பின்தங்கிய நிலையில் வாழ்ந்து வந்த ஐரோப்பியர்கள், அக்கண்டத்தில் எந்திரப் புரட்சிக்குப் பிறகு தொழில் வளர்ச்சி அடைந்ததால் கச்சா பொருள்களுக்காகவும் விற்பனை சந்தைக்காகவும் பல நாடுகளில் வணிக ரீதியாக தான் வந்தார்கள் ஐரோப்பியர்கள் .
ஈராயிரம் ஆண்டுகளுக்கு முன்னரே தமிழர்கள் நாவாய்கள் மூலமாக உலகெங்கும் வணிகம் செய்தார்கள், சீனர்கள், அரேபியர்கள், யவனர்கள், என்று பல நாட்டினர் வணிகத்திற்காகவே பல நாடுகளுக்குச் சென்றனர். அவர்கள் யாவரும் வணிகம் செய்து வந்ததோடு சரி. எந்த நாட்டிலும் போய் அரசியல் ஆதிக்கம் செய்தது, அதிகாரம் செய்ததோ கிடையாது. படையெடுப்புகளில் ஈடுபட்ட சில பேரரசர்கள் பல நாடுகளை சென்று ஆக்கிரமித்தது மீண்டது உண்மைதான். ஆனால் அவர்கள் யாரும் நாங்கள் கலாச்சாரத்தை பரப்ப போகிறோம் என்று புளுகிடவில்லை. 
ஆனால் வணிகம் செய்ய வந்த ஐரோப்பியர்கள் சென்ற நாடுகளில் எல்லாம் முதலில் முழங்காலிட்டு கெஞ்சி தான் வியாபாரத்தை ஆரம்பித்தார்கள். பின்பு மெல்ல மெல்ல மதம், கலாச்சாரம் ஆகியவற்றை போர்வையாக கொண்டு மற்ற நாடுகளில் உள்ளே நுழைந்தார்கள். அங்குள்ள பலவீனங்களை பயன்படுத்திக் கொண்டு கையூட்டு, கயவாளித்தனம், சூழ்ச்சிகள், எல்லாம் செய்து ஆட்சி அதிகாரத்தை கைப்பற்றி அந்தப் பகுதிகளில் உள்ள அனைத்து செல்வங்களையும் சுரண்டி சென்று தங்களுடைய நாட்டை வளப்படுத்தினார்கள் இவர்கள் எந்த நாட்டினுடைய அடிப்படை கட்டமைப்பை வளர்த்ததே கிடையாது. தங்களுடைய தேவைக்காக சாலைகள் போடுவது, இருப்பு சாலைகள் அமைப்பது, தபால் தந்தி சேவைகளை உருவாக்குவது, கல்வி நிறுவனங்கள், மருத்துவ வசதிகள் போன்ற காரியங்கள் செய்திருப்பார்களே தவிர யாரையும் முன்னேற்றம் அடைய வேண்டும் என்பதற்காக ஒரு நாட்டிலும் ஐரோப்பியர்கள் ஈடுபட்டதே இல்லை.வனிக முதலாளிகளும், ஐரோப்பிய அரசுகளும் பெற்றெடுத்த குழந்தை தான் காலனித்துவம் எனும் சாத்தான். 

 காலனித்துவம் எப்போதும் அழகான வார்த்தைகளால் தன்னை நியாயப்படுத்துகிறது. இது வெற்றி நாகரிகம் என்று அழைத்துக்கொண்டது. இது உண்மையில் திருட்டு வளர்ச்சி என்று தானே அழைக்கப்படவேண்டும். . இது தொழில் ஒழுங்கு என்று சொல்லிக்கொண்டது. அது உண்மையில் சுரண்டல் முன்னேற்றமே.

 குவாமே நக்ருமா போன்ற காலனித்துவத்திற்குட்பட்ட நாடுகளின் தலைவர்கள் காலனித்துவம் சாதாரண நிலத்தை கைப்பற்றவில்லை என்பதை புரிந்து கொண்டனர்.

காலனித்துவம்  முழுப் பொருளாதாரத்தையும் அதனால் மறுசீரமைத்தது, செல்வம் வெளிப்புறமாக ஆதிக்க நாடுகளுக்கு பாய்ந்தது, அதே நேரத்தில் வறுமை காலனித்துவநாடுகளுக்கு பரிசாக வந்தது.

 காலனித்துவ மக்கள் தங்களைத் தாங்களே ஆள இயலாது என்று அவர்களின் வறுமையையே காரணமாகக் காட்டியது காலனித்துவம். 


 அதனால்தான் காலனித்துவத்திற்கு எதிரான போராட்டம் என்பது காலனித்துவத்திற்கு எதிரான போராட்டம் என்பது அரசியல் அதிகாரத்தை மீட்டெடுத்தது மட்டுமே அல்ல. பொருளாதார சுதந்திர கலாச்சார அடையாளத்தையும், மக்கள் தங்கள் எதிர்காலத்தை வரையறுக்கும் உரிமையையும் பற்றிய போராட்டம் ஆகும்.

உலகம் எங்கும் காலனியாதிக்கத்துக்குட் பட்ட நாடுகளில் ஏற்பட்ட எழுச்சி, இரண்டாம் உலகப் போர் விளைவு, போன்ற காரணங்களால் ஆதிக்க நாடுகள் நேரடியாக காலனி ஆதிக்கம் செலுத்த முடியாது என்ற முடிவுக்கு வந்தன. எனவே பெயரளவுக்கு அதிகாரம் மாற்றத்தை செய்துவிட்டு பொருளாதார அதிகாரங்களை தங்கள் கையிலே நீடிக்கும் வகையில் தக்க வைத்துக் கொண்டன. 

காலனித்துவத்திற்கு எதிரான போராட்டம், அரசியல் சுதந்திரம் மட்டுமல்ல, பொருளாதாரம், சுதந்திரம், கலாச்சாரம், அடையாளத்தை மீட்டெடுத்தது முழுமை பெறவில்லை என்பதால் தான் இன்றைய உலகம் கார்ப்பரேட்களின் கையில சிக்கி தவிக்கிறது... 
அடிமைப்படுத்தப்பட்ட வரலாறு, சுதந்திரத்திற்கான இயக்கங்கள், மக்கள் பங்கு, செய்த தியாகங்கள் அடுத்த தலைமுறையினரிடம் சொல்லப்படாததாலேயே இந்த நிலை... 


 

1 comment:

  1. துல்லியமான ஆய்வுக்கட்டுரை.

    ReplyDelete

அறியாமையின் ஆபத்து

அறியாமையின் ஆபத்து: முட்டாள்களை அடையாளம் காண்பதும், விலகி நிற்பதும் ஏன் அவசியம்? " முட்டாள்களோடும் தற்குறிகளோடும் ஒருபோதும் விவாதத்தில்...