சீனி கார்த்திகேயன் பக்கங்கள்

Saturday, 31 October 2026

கண்கட்டை நீக்கிய காந்தாரி

 கணவனின் குருட்டுத்தனம்

அவனது பிறவிப் பரிசு!

அவனை மணந்ததாலே

அவளும் அங்கே குருடானாள்!


இயற்கை தந்த எழில்விழியைத்

துணியால் தானும் கண்கட்டி,

கற்பினை நிரூபித்துக் காட்டினாள்

இக்குருட்டு உலகினுக்கே!


பெற்ற புத்திரர்கள் நூற்றுவரும்

கண்ணிருந்தும் பெரும் குருடர்கள்!

வழிகாட்டிய மாமன் சகுனியின்

சூழ்ச்சியால் திசை மாறினர்!


தீராத தருமரின் பகையால்

தாயாதிகள் போர்க்களம் கண்டனர்!

குருச்சேத்திர அழிவின் அவலமறிந்து,

காந்தாரி தன் கண்கட்டெறிந்தாள்!


தாயெனும் தன்மையுணர்ந்து

தன் கடமை உணர்கையில்

காலம் கடந்த முயற்சி 

கதைக்கு உதவாது தானே!!! 


கட்டிய துணி அவிழ்க்க 

வழியின்றி,

கையறு நிலையில் 

மடிந்தது காந்தாரியம்!



1 comment:

அறியாமையின் ஆபத்து

அறியாமையின் ஆபத்து: முட்டாள்களை அடையாளம் காண்பதும், விலகி நிற்பதும் ஏன் அவசியம்? " முட்டாள்களோடும் தற்குறிகளோடும் ஒருபோதும் விவாதத்தில்...