சிரித்த முகத்தின் பின்னே
அழுத முகம் மறைந்திருக்கும்
இரண்டும் இல்லாதிருந்தால்
என்றோ மரித்திருப்பாளவள்...
பருவ மங்கை ஆனாலும்
மணமுடித்த பின்னரும்
மரிக்கும் வரையிலும்
அவள்வலி தனை ஏற்பவரிலர்
எவரெல்லாம் காரணமோ
அவர் முன்னே சிரித்து வைத்து
யாருமற்ற வேளையில்
தானே அழுது தீர்க்கிறாள்.
பரிதாபம் கொண்டு
பாவம் இவளென்று கூறிட
பாழும் இவ் வுலகில்
பண்பாளர் இல்லாது போனாரே...

No comments:
Post a Comment