சீனி கார்த்திகேயன் பக்கங்கள்

Wednesday, 28 October 2026

மார்க்கமும் மதமும்


 மார்க்கமும் மதமும்

************************''

தேவனு மில்லை அவன்

தேவமைந்தனு மில்லை!

வானகத்துத் தூதனென

வார்த்தையுரைத்தது மில்லை!


பசிபிணி நோக்காடு

பார்த்து மனம் கலங்கி,

மானிடரின் துன்பமதை

மாற்ற வழிதேடினாரே!


பகுத்தறிவை ஊட்டிப்

பயிற்சியுடன் நன்னடத்தை,

சுயமுயற்சி ஒன்றாலே

சூழ்ந்தவொளி பெற்றான்!


இறைவனென்று எவருமில்லை

இனிப்பிறவி யுமில்லை,

நெறியுரைத்த மார்க்கத்தை

நிலத்தினில் மதமாக்கினரே!


புவிதனில் வாழ்நெறி

போதித்த மகான்களையெலாம்,

மண்ணில் கடவுளாக்கித் தம்

மீட்பைத் தொலைத்தனரே மானிடர்கள்!

1 comment:

அறியாமையின் ஆபத்து

அறியாமையின் ஆபத்து: முட்டாள்களை அடையாளம் காண்பதும், விலகி நிற்பதும் ஏன் அவசியம்? " முட்டாள்களோடும் தற்குறிகளோடும் ஒருபோதும் விவாதத்தில்...