அமெரிக்கா தென் கரோலினா பகுதியில் , 1969 ஆம் ஆண்டு...
பெட்டி என்ற கறுப்பின பெண்ணொருத்தி ஒரு ஜவுளி ஆலையில் 12 மணி நேர ஷிப்ட் வேலை செய்தாள். இடைவேளைகள் இல்லை. தண்ணீர் இல்லை. கழிவறைக்குச் சென்றால், 15 நிமிடச் சம்பளத்தை இழக்க நேரிடும்.
எட்டு மணி நேரம் வேலைச்சட்டம் பற்றி யாருக்கும் கவலையில்லை. குறைந்த பட்ச அடிப்படை தேவைகள், சுகாதாரம் பற்றிய அக்கறையும் இல்லை. இதை உறுதி செய்யும் எண்ணம் அரசுக்கு இல்லை
வெள்ளை மேற்பார்வையாளர்களுக்குக் குளிரூட்டப்பட்ட வசதி இருந்தது. ஆனால், அங்கு வேலை செய்த கறுப்பினப் பெண்களுக்குத் திறந்த ஜன்னல்களும் 100 டிகிரி வெப்பமும் இருந்தன.
ஒரே வாரத்தில் மூன்று பெண்கள் மயங்கி விழுந்தனர். பெட்டி அவர்களில் ஒருவரை மருத்துவமனைக்குத் தூக்கிச் சென்றாள். மேற்பார்வையாளர், "தன் இயந்திரத்தை விட்டுச் சென்றதற்காக" பெட்டியின் மீது புகார் எழுதினார்.அவருக்கு மயங்கி விழுந்தவரைப்பற்றிய கவலை ஏதுமில்லை. வேலை கெட்டுவிடும் என்று மட்டுமே கவலைப்பட்டார்.
தொழிலாளர் வரலாற்றுப் பதிவுகளின்படி, 1960-களில் தெற்கத்திய ஜவுளி ஆலைகள் சட்டவிரோத இடைவேளைக் கொள்கைகள் மூலம் கறுப்பினப் பெண் தொழிலாளர்களைத் தொடர்ந்து சுரண்டி வந்தன.
பெட்டிக்கு ஒரு யோசனை தோன்றியது. தீ எச்சரிக்கை மணி அலாரம் ஒலித்தால், சட்டப்படி அனைவரும் வெளியேற வேண்டும். .
ஒரு செவ்வாய்க்கிழமை காலை 10:47 மணிக்கு, பெட்டி சுவரருகே நடந்து சென்று, மேற்பார்வையாளரைப் பார்த்தபடியே எச்சரிக்கை மணியை அடித்தாள்.
300 பெண்கள் வெளியே நடந்து வந்தனர். பெட்டி சரக்கு ஏற்றும் தளத்தில் நின்று கொண்டு, "எங்களுக்குத் தண்ணீர் இடைவேளை கிடைக்கும் வரை நாங்கள் உள்ளே போக மாட்டோம்" என்று முழக்கமிட்டாள்.
மேற்பார்வையாளர் உரிமையாளரை தொடர்பு கொண்டார். உரிமையாளர் காவல்துறை அதிகாரியை(ஷெரிஃபை) அழைத்தார்.
ஷெரிஃப் அங்கு வந்தார். வெயிலில் நின்று கொண்டிருந்த 300 களைத்த பெண்களை அவர் உற்றுப்பார்த்தார்.
அவர், "முதலில் அவர்களுக்குத் தண்ணீர் கொடுங்கள்" என்றார்.
பெட்டிக்கு அவளுடைய இடைவேளைகள் கிடைத்தன. அந்த ஆலையில் இருந்த ஒவ்வொரு பெண்ணுக்கும் கிடைத்தன.
அவள் அங்கே மேலும் 28 ஆண்டுகள் வேலை செய்தாள். அவளுடைய புனைப்பெயர் "தி அலாரம்" (The Alarm) என்பதாகும்.
தெற்கத்திய ஜவுல் ஆலைகளில் நடந்த உண்மையான தொழிலாளர் போராட்டங்களால் ஈர்க்கப்பட்டது.
இது போன்ற விடயங்கள் பின்னாளில் நாடகமயமாக்கப்பட்டன.போராட்டங்களுக்கு பிறகே தொழிலாளர்கள் பிரச்சனைகள் தீர்வு காணப்பட்டன.
அற்ப சலுகைகள் கூட தானாக கிடைத்திடவில்லை...
No comments:
Post a Comment