சும்மா இருந்த சங்கை ஊதி ஒரு ஆண்டி

 "சும்மா கிடந்த சங்கை ஊதிக் கெடுத்தான் ஆண்டி" என்று ஒரு பழமொழி உண்டு . 

அமைதியாக, எந்தப் பிரச்சனையும் இல்லாமல் ஒரு விஷயத்தில், தேவையில்லாமல் தலையிட்டு வம்பையோ அல்லது விவகாரத்தையோ உண்டாக்கும் செயலைக் குறிக்க இந்தப் பழமொழியைப் பயன்படுத்துவார்கள். 

இது யாருக்கு பொருந்துகிறதோ இல்லையோ அமெரிக்க அதிபர் டிரம்புக்கு மிகவும் பொருந்தும். 

ஈரான் அணு ஆயுதத்தை தயாரிக்க முயல்கிறது, செய்தே விட்டது, விட்டேனா பார் என்று இஸ்ரேலும், அதன் தூண்டுதலால் அமெரிக்காவும் வானத்துக்கும் பூமிக்கு தாவிக்குதித்து போரை நடத்தினார்கள். இத்தனைக்கும் ஈரான் அணுஆயுத தடுப்பு முகமை நடத்திய அனைத்து சோதனைகளுக்கும் ஒத்துழைப்பு கொடுத்தது. அவர்களும் அணுஆயுத ஆபத்து இல்லை என்றும் அறிவித்தனர். சமாதான ஒப்பந்தம் செய்து கொள்ள ஈரான் ஒப்புக்கொண்டபோதும், அமெரிக்காவும் இஸ்ரேலும் போரை துவக்கி உச்ச தலைவர் கமேனி, மாணவர்கள், குழந்தைகள், பொதுமக்கள் மீது தாக்குதல் நடத்தி பலரைக் கொன்றனர் . திருப்பி ஈரான் பதிலடி கொடுத்து, ஹார்முஸ் ஜலசந்தியை மூடியது... அதன் விளைவுகளை உலகம் அனுபவித்து வருகிறது. 

சமீபத்தில் கசிந்துள்ள சிஐஏயின் அறிக்கை, ஈரான் மீதான சர்வதேசப் பார்வையை முற்றிலுமாக மாற்றியுள்ளது. 

ஈரானின் பொருளாதாரம் பாதிக்கப்படுவதற்கு இன்னும் 3 முதல் 4 மாதங்கள் வரை அந்த நாடு கடற்படை முற்றுகையைத் தாக்கும் என்று அந்த அறிக்கை கூறுகிறது. 

ஆனால், இங்கே எழும் நிஜமான கேள்வி இதுதான்: ஈரான் தாங்குமா என்பதல்ல, உலகம் தாங்குமா?

பாரசீக வளைகுடாவிலிருந்து கச்சா எண்ணெய், இயற்கை எரிவாயு (LNG) மற்றும் உரங்கள் வெளியேறாமல் 3-4 மாதங்கள் தடையுறும்பட்சத்தில், உலகம் சந்திக்கப்போகும் விளைவுகள் பேரழிவை ஏற்படுத்தும்:

வேலைவாய்ப்பு இழப்பு ஏற்படபோவதால் கோடிக்கணக்கான மக்கள் தங்கள் வாழ்வாதாரத்தை இழப்பார்கள்.

பொருளாதாரச் சரிவு ஏற்படும் போது பெரும்பாலான நாடுகளின் உள்நாட்டு உற்பத்தி (GDP) அதலபாதாளத்திற்குச் செல்லும்.

உர விநியோகம் தடைபடுவதால் உலகளாவிய உணவு உற்பத்தி பாதிக்கப்பட்டு, பரவலான பஞ்சம் ஏற்படும்.

இந்த முற்றுகை ஈரானை வீழ்த்தும் என்று கணக்குப்போட்ட மேதாவிகள், உலகப் பொருளாதாரத்தின் பின்னிணைப்புகளைக் கணக்கில் கொள்ளத் தவறிவிட்டனர்.

ஹார்முஸ் ஜலசந்தி (ஹார்முஸ் ஜலசந்தி) தற்போது ஈரானின் முழுமையான கட்டுப்பாட்டில் உள்ளது என்பது கசப்பான உண்மை. 

ட்ரம்ப் நிர்வாகத்தின் தவறான அணுகுமுறைகளும், இஸ்ரேலிய ஆட்சியாளர்களின் பிடிவாதமுமே இந்த நிலைக்குக் காரணம்.

யதார்த்த அரசியலைப் (Realpolitik) பின்பற்றுபவர்களுக்கு ஒரு அடிப்படை உண்மை விளங்கும்: இந்த ஜலசந்தி ஈரான் மற்றும் ஓமன் ஆகிய நாடுகளின் எல்லைக்குட்பட்ட கடல் பகுதியில் அமைந்துள்ளது. 

உலகத் தலைவர்கள் பலர் இதைக் கண்டும் காணாமல் இருப்பது (Nelsonian blind eye) வியப்பளிக்கிறது. 

தார்மீக ரீதியாகவும், புவியியல் ரீதியாகவும் இந்தப் பகுதியில் ஈரான் விதிக்கும் நிபந்தனைகளைத் தட்டிக் கேட்கும் வலிமை தற்போது அமெரிக்காவிற்கோ அல்லது அந்த கூட்டணி நாடுகளுக்கோ கடந்த வார நிகழ்வுகள் நிரூபித்துள்ளன.

ராணுவ பலத்தை விடவும் கடல்சார் காப்பீடு (Maritime Insurance) என்பது மிக வலிமையான ஆயுதம். 

போர் பதற்றம் நிலவும் ஒரு பகுதியில் கப்பல்களை இயக்க எந்தவொரு காப்பீட்டு நிறுவனமும் முன்வராது. காப்பீடு இல்லாமல் ஒரு சரக்குக் கப்பல் கூட அந்தப் பாதையைக் கடக்க முடியாது. இந்தச் சூத்திரத்தை மாற்றியமைக்க எந்த நவீன ஆயுதத்தாலும் இயலாது. 

இதுவே ஈரானுக்குக் கிடைத்துள்ள மிகப்பெரிய பலம்.

ஈரானிய உச்ச தலைவரின் ஆலோசகர் கூறுவது போல, "ஹார்முஸ் ஜலசந்தி என்பது இதுவரை உருவாக்கப்பட்ட அணு ஆயுதத்தையும் விட வலிமையானது." இன்று உலகப் பொருளாதாரத்தின் சாவி ஈரானின் கையில் சிக்கியுள்ளது.

"அரசியல் பிழைகளை விட, புவியியல் யதார்த்தங்கள் எப்போதும் வலிமையானவை என்பதை உலகம் உணர வேண்டிய தருணம் இது."

ஈரானின் பொருளாதாரத்தை முடக்க நினைத்த நாடுகள், இன்று தங்கள் சொந்தப் பொருளாதாரத்தைக் காத்துக்கொள்ளப் போராடும் நிலைக்குத் தள்ளப்பட்டுள்ளன. 

ஹார்முஸ் ஜலசந்தி என்பது வெறும் கடல் வழிப்பாதை அல்ல; அது உலக வர்த்தகத்தின் உயிர்நாடி என்பதை ஈரான் நிரூபித்துவிட்டது.

அணு ஆயுதங்களை விடவும், உலகப் பொருளாதாரத்தின் கழுத்து நரம்பைத் தன் வசம் வைத்திருப்பதே ஈரானின் உண்மையான பலமாக உருவெடுத்துள்ளது.

நமது பிரதமர் மோடியோ இப்போது உருவாகி இருக்கக்கூடிய பொருளாதார நெருக்கடிகளை சமாளிக்க மக்கள் தங்கம் வாங்காதீர்கள், வெளிநாட்டிற்கு பயணம் போகாதீர்கள், எரிபொருளை சிக்கனமாக பயன்படுத்துங்கள், இரசாயன உரங்களை பயன்படுத்தாதீர்கள் என்று போகாத ஊருக்கு வழி சொல்லிக் கொண்டிருக்கிறார்.