கவிஞனின் கலைப்பசி
காவியங்கள் பிறந்திடும்.
ரசிகனின் கலைப்பசி-நற்
கலைதனை ரசித்திடும்..
மன்னனின் மண்பசி
அழிவினை அளித்திடும்.
வீரனின் வெற்றிப்பசி
தடைதனை உடைத்திடும்.
விளையாட்டு வீரனின் பசி
சாதனைகள் படைத்திடும்.
கண்களின் பசி கவின்
கலைகள் தேடிடும்.. .
செவிகட்காம் பசி
நல்லிசையும் ரசித்திடும்..
வயிற்றின் பசியோ
உணவைத்தேடும்
நாவின் பசியோ
தேடிடும் நற்சுவை ..
காதலின் பசி
பிறந்திடும் புதுக்கவிதை .
காமப்பசிக்கோ குழவியும்
கிழவியும் பலியாவார்.
கஞ்சனின் பசிக்காம்
காதல் பாசம் பலியாகும்.
அரசியல்வாதியின் அதிகாரப்பசி
அடைந்திடும் நாடு வறுமை.. .
பகுத்தறிவாளரின் அறிவுப்பசி
ஆக்கிடுமே அகிலம் மேன்மை.
சித்தாந்தத்தின் பசி
செகமாயிடுமே செம்மை..
பசிதானே அனைத்துயிர்க்கும்
சீவனும் வளர்ச்சியுமாம்.
**********************
நட்பு தமிழ் வட்டம் மதுரை 7ஆம் ஆண்டு தமிழ் விழாவில் நான் வாசித்த கவிதை
காமப்பசிக்கோ குழவியும்
ReplyDeleteகிழவியும் பலியாவார். இதற்க்கு அர்த்தம் என்ன? இவ்விடத்தில் வர காரணம் என்ன? அ கோ சூர்யா.
கவிதையோ அருமை. கருத்தோ பெருமை நீவிர் நவின்றது அத்தனையும் உண்மை. இவை அனைத்தும் உலகத்தின் தன்மை. கோவை செல்வம்
ReplyDelete