நுழைவு மற்றும் வெளியேறுதல் தடைசெய்யப்பட்டுள்ளது (2023) ("Entry and Exit Prohibited") என்பது ஈரானிய திரைப்படம்.
2023 ஆம் ஆண்டு அர்மான் ஸார்ரின்கூப் இயக்கிய, மோர்டெசா ஷாயெஸ்தே தயாரித்த, நடிகர்கள் அலி சதேகி மற்றும் அக்பர் அப்தி ஆகியோர் நடித்த ஈரானிய நகைச்சுவைத் திரைப்படமாகும். இந்தத் திரைப்படம் சிறைச்சாலையின் மதத் தலைவராகப் பணியாற்றும் ஒரு மதகுரு மற்றும் பல்வேறு கைதிகளைக் கையாளும் விதம், அந்த சூழலில் நிகழும் நகைச்சுவை நிகழ்வுகளை இது மையமாகக் கொண்டுள்ளது.
அவர் மதத்தில் தடை செய்யப்பட்ட விஷயங்கள் சிறைச்சாலையில் இருக்கக் கூடாது என்ற கைதிகளிடம் கட்டுப்பாடுகளை நடைமுறைப்படுத்துகிறார். அதே நேரம் மனிதாபிமானமும் பிறருக்கு உதவக்கூடிய எண்ணமும் உடையவர் அவர். அவரது கட்டுப்பாடுகளை வெறுக்கும் கைதிகளில் சிலர் அவரது மனிதாபிமான உதவிகளை பயன்படுத்திக் கொண்டு சிறையிலிருந்து தப்பி விடுகிறார்கள். அவர்கள் தப்புவதற்கு இவர் தான் உதவி செய்தார் என்று இவரை கைது செய்து அதே சிறையில் அடைக்கிறது அரசு.
மத குருவாக, கைதியாக என இரு வேறு சூழ்நிலைகளில் அவர் சந்திக்கும் பிரச்சினைகளை நகைச்சுவையாக திரைப்படமாக்கியுள்ளனர். அதேபோல இருசூழ்நிலைகளில் கைதிகள் அடிக்கும் லூட்டி சிரிக்க வைக்கிறது.
பெர்லினில் நடைபெறும் உலக மத நல்லிணக்க மாநாட்டில் கலந்து கொள்ள வேண்டிய அவர் சிறைச்சாலையில் அவதிப்பட நேர்கிறது தப்பி சென்றவர்களை போலீஸ் கைது செய்ததா? இவர் சிறையில் இருந்து மீள்கிறாரா? மாநாட்டில் கலந்து கொள்கிறாரா என்பதை விறுவிறுப்பாகவும் வேடிக்கையாகவும் காட்டி இருக்கிறார் இயக்குனர் .
சிறை வாழ்க்கை கற்றுக் கொடுத்த பாடத்தை மதகுரு மிகச் சிறப்பாக எடுத்துரைக்கிறார்"இந்த சிறைச்சாலை எனக்கு ஒரு சிறந்த பல்கலைக்கழகமாக மாறிவிட்டது.ஒரு முஸ்லிமாக இருப்பது வெறும் தொழுகையும் நோன்பும் மட்டுமல்ல, ஆனால் உங்கள் பக்கத்து வீட்டுக்காரர் பசியுடன் இருக்கும்போது உங்கள் தொழுகைப் பாயை தரையில் வைத்தால் நீங்கள் முஸ்லிம் அல்ல என்பதை நான் கற்றுக்கொண்டதில்லை.காயமடைந்த ஒருவர் உங்களிடம் உதவி கேட்கிறார், நீங்கள் உதவலாம், ஆனால் நீங்கள் செய்ய வில்லை எனில் நீங்கள் ஒரு முஸ்லிம் இல்லை என்பதை நான் அறிந்திருக்கிறேன்.நீங்கள் மிகப்பெரிய பாவத்தைச் செய்து, கடவுள் மீது சிறிதளவு நம்பிக்கையை இழந்தாலும், நீங்கள் ஒரு முஸ்லிம் அல்ல.நீங்கள் யாரோ ஒருவராகிவிட்டதாக நினைத்து, மக்களை அற்பமானவர்களாகவும் பயனற்றவர்களாகவும் பார்க்கத் தொடங்கினால், நீங்கள் ஒரு முஸ்லிம் அல்ல.இந்த நம்பிக்கையில், மக்கள் புனிதமானவர்கள், மக்களின் உடைமைகள் புனிதமானவை, அவர்களின் உயிர்கள் புனிதமானவை, அவர்களின் கண்ணியம் புனிதமானது, அவர்களின் இதயங்கள் புனிதமானவை, நம் அன்பு நண்பர் மசூன் சொல்வது போல், உடைந்த எக்காளத்தால் ஒருவரின் இதயத்தைத் திருடினால் - ஹாஜி என்றால் மண்வெட்டி என்று பொருள். ஒருவரின் இதயத்தை மண்வெட்டியால் திருடுபவர்கள், முஸ்லிம்கள் இல்லை..."
மதவெறி மக்களை ஆட்டிப்படைக்கின்ற காலத்தில் ஒரு மதகுருவின் சமூக பார்வையை விவரிக்கும் திரைப்படம் இது..
வெளியீட்டு தேதி: டிசம்பர் 15, 2023 (ஈரான்).
முக்கிய நடிகர்கள்: முகமதுரேசா ஷெரிஃபினியா, அலி சதேகி, அக்பர் அப்தி, யாசர் ஜஃபாரி.சயீத், அமீர்சோலைமானி, செப்பந்த் அமீர்சோலைமானி, முகமது ரெசா ஹெடாயாதி, அலி கரிமி, ஹாடி கசெமி, பூரியா பர்சோர்க், மற்றும் நியுஷா ஜிகாமி ஆகியோர் அடங்குவர்.
தயாரிப்பு: மோர்டெசா ஷாயெஸ்தே தயாரித்தார்.
No comments:
Post a Comment