எது உயிரென விவேகானந்தரிடம் வினவியபோது, எந்த ஒரு உயிரினம் தனக்கு அநீதி இழைக்கப்படும் போது கொதித்தெழவில்லையோ, எதிர்த்து போராடவில்லையோ அது உயிரினமே அல்ல. அது செத்த சவத்திற்கு சமமானது என்கிறார்.
அநீதிக்கும், அக்கிரமத்திற்கும் சமாதானமாய் போவதை விட வெட்கக்கேடானது வேறொன்றுமில்லை என்கிறார் நேதாஜி சுபாஷ் சந்திரபோஸ்.
அநீதி உங்களைக் கோபப்படுத்தவில்லை என்றால், நீங்கள் ஏற்கனவே அடிமைத்தனத்துடன் சமாதானம் செய்து கொண்டு விட்டீர்கள் என்று பொருள் .
பிறரின் துன்பத்தைக் கண்டு, தொலைவில் இருந்து வரும் ஒருவித அறிவுசார் பரிதாபத்தைத் தவிர வேறொன்றையும் உணராமல் இருப்பது, ஒரு திகிலூட்டும் ஆறுதலாகும்.
"இது என் போராட்டமல்ல," "உலகம் எப்போதுமே கொடூரமானது," "ஒருவரால் என்ன செய்ய முடியும்?" என்பது போன்ற நியாயப்படுத்தல்களின் தடித்த சுவர்களை நாமே எழுப்பி, இந்தப் பற்றின்மையை ஞானம் என்று அழைத்து ஏமாற்றிக்கொள்கிறோம். .
ஆயினும், இந்த அமைதியே சரணடைதலின் மிகவும் நயவஞ்சகமான வடிவமாகும். மனித மாண்பு திட்டமிட்டுப் பறிக்கப்படுவதையும், கொடுங்கோன்மையின் நசுக்கும் பாரத்தையும், அல்லது பலசாலிகள் பலமற்றவர்களுக்கு எதிராகக் காட்டும் அலட்சியமான கொடூரத்தையும் நீங்கள் காணும்போது, உங்கள் இரத்தம் நீதியான சீற்றத்தால் கொதிக்கவில்லை என்றால், நீங்கள் நீதியின் பாதுகாவலராக இருப்பதை நிறுத்திவிட்டு, ஒடுக்குபவருடன் மௌனமாக ஒத்துழைப்பவராக மாறிவிடுகிறீர்கள்.
உங்கள் நடுநிலைமை ஒரு நற்பண்பு அல்ல; அது, ஒடுக்குமுறை உங்களைத் தாக்காத வரையில், அதுவே இயற்கையின் நியதி என்பதை நீங்கள் அமைதியாக ஏற்றுக்கொண்டதற்கான ஓர் ஒப்புதல் வாக்குமூலமாகும்.
அநீதியின் முன் காட்டும் அக்கறையின்மை அமைதியல்ல; அது, சங்கிலிகள் ஒவ்வொன்றாக மௌனமாகப் பூட்டப்படும் ஓசையாகும்.
அநீதியோடு சமரசமாய் போக ஆரம்பித்து விட்டால், அடிமைத்தனத்தை நாமே ஏற்றுக்கொண்டவராகி விடுகிறோம். அதன் பிறகு ஒருபோதும் விடுதலை என்பது சாத்தியமே இல்லை. அது நம்மோடு தொலைந்து போவதில்லை, நம்முடைய தலைமுறையையும் சேர்த்தே அடிமைப்படுத்தி விடுகிறோம்.
மானமும் அறிவும் மனிதனுக்கு அழகு" என்பது தந்தை பெரியார் அவர்களின் புகழ்பெற்ற சுயமரியாதை பொன்மொழியாகும்.
மானமும், சுயமரியாதை என்பதும் அநீதிக்கெதிரான ஒரு கோட்பாடே...
இதுவரை உலகில் தோன்றியுள்ள ஞானிகள் அனைவருமே அநீதிக்கு எதிராக குரல் கொடுத்தவர்கள் தான். அப்படி அநீதிக்கு எதிராக குரல் கொடுக்காமல் சமரசம் செய்து கொண்டு செல்பவர் ஒருபோதும் ஞானியாக இருந்திருக்க முடியாது....

சரியாகவுள்ளது.
ReplyDeleteஒரு சில இடங்களில் எழுத்து பிழை உள்ளது.
ReplyDeleteநன்றி. திருத்தி விடுகிறேன்.
Delete