சீனி கார்த்திகேயன் பக்கங்கள்

Tuesday, 1 September 2026

எல் நினோ- லாநினோ

 இயற்கை 

மாற்றமே

பருவ கால சுழற்சி. 


மானிடரால்

விளைந்தது 

எல் நினோ, 

லா நினோ

சுழற்சி. 


எல் நினோ

வழங்குவதோ

வெப்ப வறட்சி 


லா நினோ

வழங்குவதோ

பெருவெள்ள அதிர்ச்சி.. 



இந்தச் சுழற்சி இயற்கையானது.அதனால் வரும் அழிவும் இயற்கை. ஆனால், வழக்கங்களுக்கு மாறாக அதிகரித்து வரும் அழிவு இயற்கையானதல்ல.


எல் நினோ மற்றும் லா நினோ பல நூற்றாண்டுகளாக உலகளாவிய வானிலையில் தாக்கத்தை ஏற்படுத்தி வருகின்றன. ஆனால் இன்று, இந்த இயற்கைச் சுழற்சிகள் மனித நடவடிக்கைகளால் வெப்பமடைந்த ஒரு கோளின் வழியே பயணிக்கின்றன.

ஒருபுறம் எல் நினோ பல பிராந்தியங்களில் வெப்பத்தையும் வறட்சியையும் மோசமாக்கக்கூடும். 

மறுபுறம் லா நினோ மற்ற இடங்களில் கனமழையையும் வெள்ளப்பெருக்கையும் தீவிரப்படுத்தக்கூடும்.

 அவற்றின் விளைவுகள் வேறுபடுகின்றன—ஆனால் வெப்பமான வளிமண்டலம் அதன் பின்விளைவுகளை மிகவும் அழிவுகரமானதாக மாற்றக்கூடும்.


காலநிலை மாற்றம் இந்தச் சுழற்சிகளை உருவாக்கவில்லை. 

உருவாகிவரும் சுழற்சி சேதத்தின் அளவை அதிகரித்துக் கொண்டிருக்கிறது.


ஒரு பக்கம் எரிகிறது. மறுபக்கம் மூழ்குகிறது. ஆனாலும், மனிதகுலம் இன்னும் அந்த அளவைக் கட்டுப்படுத்தும் நிலையில் உள்ளது.


எல் நினோ அல்லது லா நினோவை நம்மால் நிறுத்த முடியாது. ஆனால் ஒவ்வொரு தீவிர நிலையையும் மேலும் ஆபத்தானதாக மாற்றுவதை நம்மால் நிறுத்த முடியும்.


ஜெனீவாவிலிருந்து உலக வானிலை அமைப்பு (WMO) வரலாற்றில் இதுவரை இல்லாத அளவு உறுதியான, அதிர்ச்சியான எச்சரிக்கையை வெளியிட்டுள்ளது. 2027 பிப்ரவரி மாதம் வரை அதிதீவிர 'எல் நினோ' (Extreme El Nino) நிகழ்வு 100% நீடிக்கும் என உலக நாடுகளுக்கு பகீர் எச்சரிக்கை விடுத்துள்ளது. கடந்த 50 ஆண்டுகால வானிலை கண்காணிப்பு வரலாற்றில், இவ்வளவு உறுதியான எச்சரிக்கை விடுக்கப்படுவது இதுவே முதல்முறை.


*எல் நினோ என்றால் என்ன?*

பசிபிக் கடல் பகுதி இயல்பை விட +2.5 டிகிரி செல்சியஸ் வரை அசாதாரணமாக வெப்பமடைவதே எல் நினோ. இது உலகம் முழுவதும் வானிலை முறையை தலைகீழாக மாற்றும். பருவமழை தவறும், சில இடங்களில் பேய் மழை கொட்டும்.


*என்ன நடக்கும்? - இரட்டை தாக்குதல்*


*1. ஒரு பக்கம் - கடும் வறட்சி (DROUGHT):*

தெற்கு/கிழக்கு ஆசியா, கிழக்கு ஆப்பிரிக்கா, ஆஸ்திரேலியா நாடுகளில் மழை -40% குறையும். தமிழ்நாடு உள்ளிட்ட இந்தியாவில் வடகிழக்கு பருவமழை பொய்க்கும் அபாயம். நீர்நிலைகள் வறண்டு போகும், வெப்பநிலை சாதாரணத்தை விட +3-4°C அதிகரிக்கும். விவசாயம் கடுமையாக பாதிக்கப்பட்டு குடிநீர் பற்றாக்குறை ஏற்படும்.


*2. மறுபக்கம் - கடும் வெள்ளம் (FLOOD):*

தென் அமெரிக்கா, வட அமெரிக்க மேற்கு கடலோரம், மத்திய ஆப்பிரிக்கா பகுதிகளில் வழக்கத்தை விட +60% அதிக மழைப்பொழிவு. கடலோர மற்றும் ஆற்றுப் பகுதிகளில் திடீர் வெள்ளம், நிலச்சரிவு, உட்கட்டமைப்பு சேதம் ஏற்படும்.


*தமிழ்நாட்டிற்கு என்ன பாதிப்பு?*


2027 பிப்ரவரி உச்சநிலை என்பதால், 2026 வடகிழக்கு பருவமழை பாதிக்கும். காவிரி டெல்டாவில் நெல் சாகுபடி சரியும், குடிநீர் தட்டுப்பாடு அதிகரிக்கும். அதே நேரத்தில் டிசம்பரில் திடீர் கனமழை பெய்து சென்னையில் வெள்ளம் வரவும் வாய்ப்பு உள்ளது.


*என்ன செய்ய வேண்டும்? - தயாராக இருங்கள்:*


- குடிநீர் மற்றும் உணவு இருப்பை சேமித்து வையுங்கள்

- மாநில அரசுகள் வெள்ளம்/வறட்சி திட்டங்களை இப்போதே மதிப்பாய்வு செய்ய வேண்டும்

- விவசாயிகள் குறைந்த நீரில் விளையும் பயிர்களுக்கு மாற வேண்டும்

- அதிகாரப்பூர்வ வானிலை அறிவிப்புகளை தினமும் பின்பற்றுங்கள்


WMO-வின் இந்த 100% எச்சரிக்கை வெறும் கணிப்பு அல்ல, இது நிச்சயம் நடக்கப்போகும் பேரிடர். உலக நாடுகள் இப்போதே விழித்துக்கொள்ள வேண்டும்

நமது பிராந்தியம் தற்போது எதை எதிர்கொள்கிறது: வெப்பம், வறட்சி அல்லது வெள்ளப்பெருக்கா?

எல் நினோவா? 

லாநிநோவா? ? 

 எது நேரடி னும் அழிவு மட்டும் நிச்சயம்... 




No comments:

Post a Comment

அறியாமையின் ஆபத்து

அறியாமையின் ஆபத்து: முட்டாள்களை அடையாளம் காண்பதும், விலகி நிற்பதும் ஏன் அவசியம்? " முட்டாள்களோடும் தற்குறிகளோடும் ஒருபோதும் விவாதத்தில்...